Beyta Laliş

Hatim Lalişê mendehoş

Ev biheşta pir nûr û xoş

Li ber dergehê Şîxadî

Bûm derwêşekî xirqepoş

Kanya Spî muhra pakî ye

Berat tuberk û çakî ye

Laliş rewşa Welatê min

Kevnewarê vî xakî ye

Beramber stûna miraza

Min dest bilindkir daxwaza

Welatê min rehabikey

Ji Ejdahak û Şerxwaza

Zorî û sitem sal û zeman

Derbasbûn heftê û du ferman

Kes nekarî me windaket

Me paraztin ol û ziman

Paraztin koltorê Kurdan

Şêx Fexr û Dawidê Derman

Xidir û Hesed û Pisê Cem

Derwêş û Pîr Reşê Heyran

Cilên me spî xafika sûr

Zere agir` roj mah û nûr

Keske buhar` sersala me

Ala Kurdistan hildin jor

Peyv: Edîb Çelkî

Stirandin û awaz: Hesen Şerîf

Edîb Çelkî / Hannover, buhara 1996 ê