|
|
Mala Êzidiyan li Sulingen/Yekîtiya Êzidiyên Ciwanên Şerfedîn, Cejna Cemaya Şîxadî pîroz kirin.
kaniya/sipi.de/08.102006
Di 06.10.2006 Yekîtiya Êzidiyên Ciwanên Şerfedîn di Avahiya Komela xwe de û bi beşdarbûna cemawerekî boş, Cejna Pîroz, Cejna Cemaya Şîxadî karî bi xêrê li darxist. Bernama Şahiyê ji seat 17:30 heta seat 23:00 berdewam kir.
Şahî bi rêzkirina çend Qewl û diwa û dirozên pîroz yên Êzidiyan ji aliyê Şagirtên Êzidî ve yên ku di malê de têne perwerde kirin hata destpêkirin.
Piştra beşekî hunerî ji aliyê Hunermend Xesan ve hata pêşkêş kirin û beşdaran dest bi govend û dîlanê kir.
Piştî navbirekê dinavên mala Yekîtiya Êzidiyên Ciwanên Şerfedîn, birêz Şêx Ehmet û birêz Şêx Şikrî Kaska Berat û Xerqê Şîxadî karî bi xêrê ji bo beşdaran amadekirin, ta ku Mêvan di vê roja pîroz de li simbolê ola xwe ziyaretî bibin.
Beşê folkor û dîlanê yê ku piştî dema xwarinê hata pêşkêş kirin, bû cihê dilxweşiya tevahiya mêvanan.
Hêjay gotinê ye ku hijmarek ji hunermendên Êzidiyan di vê cejnê beşdar bûn û huner û awaz û mûzîka xwe hetanî dimahîka şevê pêşkêş mêvanan kirin û dilê wan xweşkirin. Huneremend û Dengbêjên beşdarî Şahiyê bûyn ev bûn: Hunermend Xesan, Dengbêj Ferhat, Hozan Zerdeşt, Dengbêj Malik Osê, Dengbêj Filîs, Dengbêj Fayq û Dengbêj Fayz.
Şahiya Cemya Şîxadî li mala Yekîtiya Êzidiyên Ciwanên Şerfedîn li Sulingen/Elmaniya bi serkeftin û bi dilxweşiya tevahiya mêvanan bi dawî bû.
Keremkin li çend dîmenên Şahiyê temaşa bikin!!!
|
