|
Vegere
Êzidiyên Elmaniya civînek
li ser reşbeleka destûrê herêma Kurdistana Îraqê û mafên Êzidiyan
lidarxisitin.
Kaniya-sipi.de/29.10.2006
Doh, roja
şemiyê, 28.10.2006 li bajarê
Hannover/Elmaniya û li ser vexwendina (Tecemuh dîmoqratî Êzîdî)
civînek li ser reşbeleka destûrê Herêma Kurdistana Îraqê hata li
darxistina.
Di civînê de
goftugo li ser mafên Êzidiyan di reşbeleka destûra jorîn de hata kirin
û hemî madên girêdayî bi Êzidiyan û kêmol û kêmnetwan ve yek bi yek ji
aliyê beşdarvanan ve hatin şîrove kirin.
Hêjayî gotinê ye
ku hijmark baş ji rewşenbîr û mafzan û nûnerê mal û komel û malperên
Êzidiyan di civînê de amade bûn, mîna malpera Bahzanî, Malpera Doxata,
Malpera Kaniya Sipî, Malpera Asdah, nûnerê Komela Kaniya Sipî ya
rewşenbîrî û civakî, nûnerê Mala Êzidiyan li Bielefeld û nûnerê liqa
şeşa ya PDK û hijmarek ji kesayetiyên serbixwe.
Di dawiya civînê
de biriyar hata standin ku hijmarek ji mafzan û rewşenbîrên Êzidiyan
îro (29.10.2006) li Hannover li hev bicivin û têbiniyên beşdarvanê
civînê bi şêweyekî zanistî û durust li ser hev kom bikin û
binivîsînin.
Ev nivîs dê di
demeke kurt bête şandin bo hemî rewşenbîr, mal, komel û dezgehên
Êzidiyan re, ta ku têbinyên xwe li ser bidin û piştevaniya vê nivîsê
bikin. Mebesta sereke ew e ku nivîsek bi daxwazên Êzidiyan î rasteqîn
bête hinartin bo komîta nivîsandina destûrê herêma Kurdistana Îraqê û
helbet bo hemî berpirsiyarên hikumeta herêma Kurdistanê.
Malpera Kaniya
Sipî dê di demeke kurt de vê nivîsê ji bo xwendevanên xwe belav bike.
Jor
|
Komela Kaniya Sipî
