|
|
Daxwiyanî ji bo raya giştî
Navnîşana Komelê: Kaniya Sipî e.V. Fermaz Geribo Nelkenweg 23 33659 Bielefeld
Ji bo hemî Komelan, Kombend, Rêxistin, Kesayet, rojnama, Kovar û Malperan........ Komela Kaniya Sipî ya rewşenbîrî û civakî Ji ber pêwistiya civaka Êzîdî bi karekî rêxistinî, me wisa hestkir ku erkekî dîrokî dikeve ser milên me û me ev Komela ji ber van erkên jêr avakir: 1. Xizmeta civakê ji aliyê civakî û rewşenbîrî ve. 2. Xizmete her mirovekî li gor derfetên Komelê. 3. Kar ji bo danehev, berhevkirin, nivîsandin û nûjenkirina çand û keleporê vê Olê, ji bo parastina hîmên Olî. 4. Belavkirina çand û felsefa ola Êzdiyatiyê yên resen û rasteqîn û diyarkirina bingehau koka Êzîdiyatiyê bi raya giştî, ku ev ol li ser xêrê, wekheviyê, mafrewayiyê û fikra parastina Ezdayê Yekta hatiya avakirin. Û herweha bervedana di ber erkên resen yên vê olê de û serrastkirina û bersivdana hemî çewtiyên ku ji layên biyanî ve li ser vê olê têna belavkirin bi rengekî mirovana û dîmokratîk. 5. Kar ji boy şermezarkirina zilm, zordariyê û bêputiyê di nava civakê de. Komela Kaniya Sipî ya rewşenbîrî û civakî xwe weke layekî girîng ji civaka kurdî bi gelemperî û civaka Êzîdiyatî bi taybetî dibîne, û ji ber vê yekê jî em hêvî û daxwaz dikin ku danûstandin li ser vî esasî bi me re bête kirin. Em dixwazin bi rêya vê daxwiyaniyê dengê xwe bighînin hemî layên curbecur û bê cudahî û wana ji vê yekê agehdar bikin.
Komela Kaniya Sipî ya rewşenbîrî û civakî Bielefeld/Elmaniya, 25.12.2005
|
