Kanya Jiyanê

Bi şahî û awaz, lawik û heyran

Li ser şaperrên Sîmerx û teyran

Wek Suleymanî, min tu gêrandî

Belqîsa minê, bi keyf û seyran

Were yar yar yar yar

Hawar yar yar yar yar

Naxwazim j`ibîrkem canya cîhanê

Bûme Eskender, jibûna manê

Karwansera min hembêza te ye

Es devê şirîn Kanya Jiyanê

Hîvîya min bû li sal û dema

Jîna min kiribû govend û sema

Bêxatirxwestin li min avabû

Îro ez kirim şivanê xema

Xanima kubar, kengî dê hêtin

Kanya Jiyanê kengî dê zêtin

Roja avabûy li pişt Çyayê Qaf

Carek dî dilo li min helêtin.

Peyv: Edîb Çelkî

Awaz: Foliklorê Kurdî

Stirandin: Eyub Elî

Mûzîk: Goran kamil