|
Vegere
„Malawayî“
Hunermend Eyub Elî
(Malawayî) navê sêyemîn
elbuma nwîya Hunermendê navdar Eyub Elî ye, ku biryare van nêzîka
dilên evîndarên strana resena Kurdî pê şadbiket. Hunermend bi herdu
kirmanciyên jêrî û jorî stirîye û ev elbuma wî ji yazde 11 stirana
pêkhatiya, bi van navan:
(Ay delal, Êstaş çawerêm
bêytewe, Welamî name, Fatim gula tehtika, Yar, Eşqî tu, Seburî, Kaniya
jiyanê, Malawayî, Nazdar, Xem.)
Pitirya peyvên stiranan
ji nivîsîna Hunermendî bi xwe ne. Yên mayî jî, sê têkist filklor in û
du jî ji nivîsîna helbestvan Edîb Çelkî û Fireydun Berzincî ne.
Awazên stirana jî, hindek
filklorin û yên mayî jî li navbera Hunermendî û Goran Kamil û Zana M.
Hejarî dibelavene.
Mûzkvanê çeleng Goran
Kamil bi karê dabeşkirina mûzîkê rabîya û ev elbume li êk ji stodyoyên
başên Stenbulê tomarbûye.
Êzgê radyo ya (Newa(
digel Hunermendê rêkeftîye, ku vê elbumê di demek nêzîk da çap û
belavket.
Hejî gotinê ye ku
Hunermend Eyub Elî li sala 1973 li Silêmaniyê ji daykbûye. Piştî
derçûna wî ji pişka endazyarya mîkanîk li zanîngeha Selaheddîn li
Hewlêrê, mişextî Berîtaniya dibît û niha li wêre dijît.
Her li demek zû da û dwîr
ji pîşeya xo, ewî cîhana stiranê helbijart, çunke bi rastî bi dengek
xoş û gotinek gelek hêja stiranê dibêjît û yê bûye stêrka hera geşa
stirana Kurdî.
Helbestek ji Elbuma
Hunermend Eyub Elî, Helbest ya Helbestvanê navdar Edîb Çelkî ye
Kanya Jiyanê
Bi şahî û awaz, lawik û
heyran
Li ser şaperrên Sîmerx û
teyran
Wek Suleymanî, min tu
gêrrandî
Belqîsa minê, bi keyf û
seyran
***
Were yar yar yar yar
Hawar yar yar yar yar
Naxwazim j’ibîrkem canya
cîhanê
Bûme Eskender, jibûna
manê
Karwansera min hembêza te
ye
Ew devê şîrîn kanya
jiyanê
***
Hîvîya min bû li sal û
dema
Jîna min kirbû govend û
sema
Bêxatirxwastin li min
avabû
Îro ez kirim şivanê xema
***
Xanima kubar, kengî dê
hêtin
Kanya jiyanê kengî dê
zêtin
Roja avabûy li pişt çyayê
Qaf
Carek dî dilo li min
helêtin.
Peyv: Edîb Çelkî (chalki72@hotmail.com)
Awaz: Foliklorê Kurdî
Stirandin: Eyub Elî
Muzîk: Goran Kamil
Çavkanî: Malpera Hikumeta Herêma Kurdistan
Jor
|
Komela Kaniya Sipî
