Vegere

Çûna ber Lalişa nûranî

Fermaz Gerîbo          

Li cem Êzîdya fer e her kese Êzîdî here ber Lalişa  nûranî û ew dikeve herêma Şêxan, nêzîkî bajarê Dihokê li Kurdistana Îraqê û wek em zanin cihê herî pîroz li dinyayê ew e. Û ew heca Êzîdiya ya, lê wextê yek bivê herê ber mala Şîxadî divê karibê û maldarbê, ji ber go ew feqîrbê û zarokê wî birçîbin wê çilio herê hecê?

qewlik heya tê gotin, halo:

Hecao meçe bi hecê de

pêlava meqetîna bi rê de

hec ew e mala ti tê de.

Û hersal qewal Tawisê li nav Êzîdiya digerînin û pere ava zimzim û ava Kaniya Sipî heya. Hingî her kesê Êzîdî karê ji wê avê vexwê û ava Kaniya Sipî mohra kesê Êzîdî ya û kaf   mixara û zimzim heca Êzîdiya ya, ji ber wilo ew qewl hat gotin, lê çaxê insan maldar bibê û zengîn bibê divê ew herê ber mala Şîxadî yan Lalişa nûranî.

Kengî divê insan herê ber Laliş?

Ji 6-13 ji miha Tişrinê ya yekê bi hesabê zayinî rojavayî, beramber 23-30 heyva Êlonê bi hesabê Şerqî yan rojhilatî divê her insan cilna sipî ji xwere amade bikê û bi xwere bibê ta li ber Laliş li xwekê û divê herkesê herê ber Laliş şiştî bê û pakij bê; ew cil divê bi destê Êzîdiya hatibin dirûtin.

Her insanê Êzîdî çi jin û çi mêr divê bira yan xuîşka axretê bi wan re bê û çênabê jin û mêrê hev bi hev re derbasî Laliş bibin, ji ber ê bi hev ra derbasî hindirwê Laliş bibin, dibin xuîşk û birayê hev.  

Yê diçin ber Laliş ji cihkî taybet divê bi meş herin heta bigihin Laliş û xwas; bi rê da qewl û beyt tên gotin wek  xerîbo yan lavij û ew li silavgiha cotkê quba disekinin   piştra berdewam dikin û li tevayî Laliş digerin, tac û hilê Şîxadî tewav dikin  û diçin ser Kaniya Sipî û zimzim û dara mirada û mixara mara; piştra wê di cem Şêx mişeleh re derbas bibin, ew 7 roja berdewam dikê û herkes divê xêra ji xwere bikê û qurbankê li wê derê bikujê û li feqîra belav bikê. Piştra wê hec bi dawî bibê û herkes wê herê mala xwe.

Top