|
Vegere
Daxuyaniya Hevkariya Mal û Komelên
Êzîdiyan
-
Ji
bo raya Cîhanê ya giştî
-
Ji
bo raya Kurdî ya giştî
-
Ji
bo raya Kurdên Êzîdî ya giştî
Piştî xwendina daxuyaniya (Enwer
Miawiya ) ya ku destdirêjî û neheqiyeka mezin li Êzîdiyan û Êzdayetî
dike, Hevkariyê di Civîneka Awarte de, a ku di 19.12.2006 an de hate
lidarxistin, ev daxuyanî dibin çavan re derbas kir, û piştî
danûstandin û giftûgoyên berferh bi piraniya dengan biryar hat
sitandin ku Hevkarî bê deng nemîne û bersivekê ji bo raya giştî, li
ser Enwer û yên ku wekî wîna difikirin bide, belav bike, ji ber vê
yekê em dibînin:
1.
Xwedanê vê daxuyaniyê (Enwer Miawiya, yê ku xwe Ereb dibîne) bi tenê
berpirsiyara di ber naveroka wê daxuyaniyê de, û ew qet bi tu awayan
nûneratiya Êzîdiyan nake.
2.
Em
weku Êzîdî ku parçeyekî herî bingehînin ji netewa Kurd ya Arî ku
dîroka wê vedgere berya zayînê hezarên salan, bi vî dîrok û netewa xwe
ya Kurd serbilindin.
3.
kesekî ji Lêkolînvan û dîrokzanên ku li ser Êzdayetîyê nivîsandina
negotina ku Êzîdî Ereb in ( ji bilî çend nimûneyên nijadperestyane).
4.
Şêxadî silavên Xwedê lêbin, ne Ereb e, û nerîna ku herî tê pejirandin
ew e yaku dibêjê ku Şêxadî silavên Xwedê lê bin, bi koka xwe Êzîdiya,
û dayîk û bavê wî jî Êzîdî bûn, û ew ji Hekarê hate Laleşa Nûranî.
5.
Bi
zimanê Erebî peyva Êzîdî wisa tê nivîsandin
الايزيدية
anku ew kesên ku vê
peyvê bi vî şêweyî bikartînin
اليزيدية
bi mebsta Erebkirina
Êzîdiyan ew nêçîrê di golên girikî de dikin.
6.
Sebaret Nasnameya Dewleta Iraqê, eger Erebî be yan na… ew babeteka
hundirîne û girêdaya bi miletên Iraqê ve, û ne ji mafê kesekî ye, ku
jê biaxive.
7.
Herêmên Êzîdiyan dikevin hundirê Ciyografiya Kurdistanê, û em dibînin
ya baş ew e ku têkevin bin Hukumraliya Herêma Kurdistana Federal, û em
ne li dijin eger Êzîdî li gor jimara xwe di Herêmên xwe de serkêşiya
damûdezgehên dewletê bikin.
8.
Enwer Miawiya
di daxuyaniya xwe de dibêjê ku: Laleşa Nûranî Perestgeha Êzîdiyan ya
bi tenê li cîhanê ku Gora Şêxadiya silavên Xwedê lê bin, di baweriya
me de, Enwer bi vê yekê ji nirxên vê Perestgehê yên dîrokî yê
ku vedgera hezarên salan dadixe.
9.
Weka
ku her kes dizane Mîrê Êzîdiyan li Cîhanê Xwedêjêrazî Mîr Tehsin Beg
e, û Enwer bi tu awayan nikare û ne ji mafê wiya xwe weku Emîrê
Êzîdyan destnîşan bike.
Hevkariya mal û komelên
Êzîdiyan
Elmanya 21.12.06
1-
Mala
Êzîdiyan li Oldenburg
2-
Mala
Êzîdiyan li Berlin
3-
Mala
Êzîdiyan li Leer
4-
Mala
Êzîdiyan li Celle
5-
Mala
Êzîdiyan li Celle Plattform
6-
Mala
Êzîdiyan li Kalkar
7-
Mala
Êzîdiyan li Emerich
8-
Yekîtiya Êzîdiyên ciwanên Şerfedîn
9-
Bingehê Êzîdiyan li dervayî welat
10-Komela
Kaniya Sipî ya Rewşenbîrî û Civakî
Jor
|
Komela Kaniya Sipî