|
Vegere
Emerîka û Kurdnas dixwazin rejîma Sûriyeyê hilweşînin û
Yekîtiya Ewropayê dixwaze statûkoya heyî biparêze
| |
Nûşeng Haco,
Ciwan Heqî, Şêrgoh 'Abas |
|
BRÛKSEL, 13/1 2007
— Li ser vexwendina Yekîtiya Ewropayê, Encûmena Niştimaniya Kurdistanî
- Sûriye 11-ê vê mehê li Parlamentoya Yekîtiya Ewropayê li Brûkselê
beşdarî konferanseke berfereh ya li ser têkiliyên Yekîtiya Ewropayê û
Sûriyeyê bû.
Di konferansê de gelek aliyên ji opozîsyona Sûriyeyê beşdar bûn û yek
ji wan jî Kurdnas bû. Ji aliyê Kurdnasê ve serokê encûmenê Şerkoh
Abbas, Tewfîq Hamdûş, Nuşeng Haco û Cuwan Heqî beşdarî konferansê bûn.
Heyeta Kurdnasê di konferansê de li ser zilma rejîma Baas sekinî û ji
beşdarên konferansê re diyar kir ko zilma rejîma Baas her berdewam e.
Rejîma Sûriyeyê berî çar salan soz da ko reforman bike lê belê niho em
dibînin ko wê ti gav neavêtine û zordariya xwe zêdetir dike.
Di konferansê de nûnerên Yekîtiya Ewropayê behsa xurtkirina têkiliyên
xwe digel Sûriyeyê kirin û wan got heger ew Sûriyeyê îzole bikin dê
nekarin ti tesîrê lê bikin û Sûriye jî ber bi welatên wekî Tirkiye,
Çîn û Erebaistana Siûdiyê ve diçe û ticareta Yekîtiya Ewropayê digel
Sûriyeyê kêm dibe.
Serokê Kurdnasê Şêrko Ebasî ji amadekarên konferansê pirsî ka aya çima
nûnerên resmî yên dewleta Sûriyeyê di vê konferansê de beşdar nebûne û
got:
— Me dixwest ko hinek ji desthilata Sûriyeyê li vê derê amade bûna da
ko me bizaniya ka ew çi difikirin. Gelo çima ew nehatine.
Şêrko Ebas ji Nefelê re dibêje li gor baweriya wî ewropî tenê
tetefdarên parastina statûkoyê ne û dixwazin ticareta xwe digel
desthilata Sûriyeyê zêde bikin. Şêrko Ebas dibêje li Emerîkayê daxwaza
guhortina rejîma Sûriyeyê heye û heger kurd li Emerîkayê têkiliyên xwe
xurt bikin ewropî dê mecbûrî kurdan bibin û pirtir qedrî bidin kurdan.
Çavkanî:: Nefel
Jor
|
Komela Kaniya Sipî