|
Vegere
Wezîrên hundirîn yên wîlayetên Elmaniya li hev
civîn û mafê
niştecîbûnê
didin biyaniyan
Kaniya-sipi.de/18.11.2006
| |
Jêdera wêne: ZDF |
Di
16.11.2006 an de
wezîrê hundirîn yê Elmaniya
fîderal û wezîrên hûndirîn
yên wîlayetan li ser rêbazeke yekgirtî ji bo biyaniyan li hev hatin.
Di Konferensa wezîran
de ya ku li
15 û 16ê vê heyvê li bajarê
Nürenberg hata lidarxistin; li gor peymana wezîran, kesên
biyanî maf heye ku
mafê
niştecîbûnê
li Elamniya
„Aufenthaltserlaubnis“ wergirê, lê dibe ku ev kes heta 30.09.2007
karekî ji xwe re peyda bikin ku karibin bêy arîkariya dewletê xwe pê
xwedî bikin.
Kesê ku heta vê tarîxê karekî
bibîne, karê serdana bîroya biyaniyan „Ausländeramt“ bike
û daxwaza mafê mayînê ji wan
bike.
Anku pêşî Kar piştra
mafê
niştecîbûnê
”Aufenthaltserlaubnis”
Li gor texmîna wezareta hundirîn
ya Elmaniya nêzîkî 100 000 kesên
biyanî hene ku ”Duldung” bi wan re ye.
Lê ev zagon helbet bi çend şert
û mercan ve jî girêdaya, ew jî ev in:
1. Ji
bo malbatên ku neha “Duldung” bi wan re ye, gerek e ev malbat ji
kêmanî 6 salên wan li Elmaniya qeda bin.
2.
Kesê zigurt (kesê ne zewicî û bê
zarok û bê malbat) gerek e ji kêmanî 8 salên wan li Elmaniya qeda bin.
3.
Kesê
daxwaza “Aufenthaltserlaubnis” bike, dibe zimanê elmanî jî zanbe.
4. Kesê
daxwaza “Aufenthaltserlaubnis” bike, gerek e tu cezayên mezin li ser
nebin, wekî bihtir ji 50 roj zindan htd.
5.
Kesê
daxwaza “Aufenthaltserlaubnis” bike, gerek e tu girêdanên wî bi Terorê
û radîkaliyê re “Extremismus und Terrorismus” nebin.
6.
“Aufenthaltserlaubnis”
ne ji heqê wan kesan e yên ku agehdariyê balkêş ji “Ausländerbehörde”
veşartibin û rastî ji wan re ne gotibin.
Hêjaya gotinê ye ku wergirtina
arîkariya mewdanî ji dewletê ji bo mêr û jinên ku bi tenha xwe zarokên
xwe xwedî dikin nabe astengî di pêşiya wergirtina
mafê
niştecîbûnê
de “Aufenthaltsgenehmigung”.
Kesê ku van şert û mercan pêk
neynê û helbet “Duldung” pê re hebe,
hikumeta Elman dê wî vegerîne Welatê wî.
Jor
|
Komela Kaniya Sipî
