|
Vegere
Dibistanek Almanyayî li Kurdistanê dihê vekirin
25.11.2006
PNA -
Almanya / Silêman Alîxan - Piştî razîbûna hukûmeta
Kurdistanê û hukûmeta Almanya ya federal, biryar hat standin ku dibistanek
Almanyayî li bajêrê Duhokê bihê vekirin.
Biryar weha ye ku li gel sala xwendina nû ya sala 2007 – 2008 ev dibistan
bihê vekirin û ji şeş polan dest bi xwendinê bike, li gel sistemê xwendina
Almanyayî.
Ev dibistan dê alîkarîya zarokên malbatên Iraqî bike, ewên ku li Almanya,
Awusrirya û Swêsra dijîn, ku bi zimanê Almanyayî dixwendin û niha jî
vegerîyane welatê xwe.
Xwedîyê ramana evê projeya perwerdeyî mamoste Isma`îl Muhemmed e, yê ku
hemahengîyê di nêvbera hukûmeta Kurdistanê û hukûmeta Almanya de dike.
Mamosta ji Peyamnêr re weha got: Herêma Kurdistanê welatê pêncem e li
devera rojhilata navîn, ku ev dibistan tê de vedibe.. xercîya vê projeyê
dê hukûmeta Kurdistanê bide ta 5 salan, paşê wezareta derve ya Almanya dê
xercîya wê bide.
Navbirî berdewam kir û got: niha em pîkolan dikin ku di van du mehên pêşî
de mamostayên taybetî amade bikin.. gelek mamosta peywendî li gel me
kirine.. em dê navên wan pêşkêşî wezareta perwerdeya hukûmeta Kurdistanê
bikin, ji bo ku navên wan tomar bibin.
Ji bo zanyarîyên bêtir, bila mamostayên bi rêz peywendîyê li gel balyozê
komara Iraqê yê li Berlînê bi evê navnîşanê re bikin:
www.iraqiembassy-berlin.de
yan jî peywendîyê bi evê addressê re bikin:
ismailms2006@yahoo.de
Jor
|
Komela Kaniya Sipî