Penaberno

Lehîyên azaran li vir pirrrrrrr in 

û birînên nedirûtî,  

bê hijmarin

silbûna jin û mêran ji hev

birîneke dijwara...!!!?

ka binerin

bê çawa em xwe didavêjin

sînga tunebûnê

û mejîyên xwe 

bi qelend, tolhildan

               û qedexeyan  

                           dorpêç dikin

li vir azadîye

             wekhevîya

                            zanîna            

maf û mafdarîye qurban,

çima hun mîna biyaniyên din,

xwe li ber lehîyên

tunebûn û têkçûnan nagrin?.

Ma hûn dixwazin li vir jî,

xwe hînî girîyê mêran

û koletîyê bikin

axayên bi darhişik

ji xwe re peyda bikin

yan jî,

di bandora jineka nezan de

xwe tune bikin

malbatekê bi nakokîyên xwe re

ber bi tunebûnê ve bibin

ev tunebûne

                  têkçûne

                           belav bûne

                ji hevdûrbûna qurban.                                                                 

Hûnê çawa zarokan mezin bikin

bi serhişkîya xwe

di nava nezanî û têkçûnan de

bi dahatiwa

ku hûn

berê wê didin goleke neqam 

ku bi kiryarên we genî dibe

û li kolanên azadîyê

wê roj bi roj

ber bi tunebûnê ve dibe

bi dirûtî,

            nezanî û

                      xemsariya xwe

hûnê hêdî hêdî li vî warî 

hînî awazên têkçûnan bibin qurban

zaro ne yê we ne

ciwan tune dibin

qîz direvin 

kal bêzar dibin

kezebên dayikan perçe dibin,

tev ji bê bextî û zikreşîya meye

ji nezanî û serhişkiya me ye.

Em xwe bi kurve tune dikin?

Em ê gotina dawî

li kur biqedînin?

Em ê kêlika dawî

li kur biçikînin?

û darbesta dawî

li kur hilgirin?

xatirxwestina dawî

li kur bixwazin

em tune dibin!!!!!!!!????????????

               têkdiçin

                       belawela dibin

bi kiryar û                    xemsarîyên xwe.

Ma em ê hîn çend caran

hespên serhişkî û nezanîya xwe bidin cirîda

em ê hîn peyî çend tolhildanên 

ji bîr bûyî 

bikevin

û çend xencerên nezanîyê

di kezeba xwe de biçikînin

em ê çawa di buhareke îro de

berî sed salî bijîn qurban?

evder azadîye

       wekhevîye

           ilme 

         zanîne 

maf û mafdariya

xwe hînî başiyên vî warî bikin

ne têkçûnan.

Qedexe

di welatên egala û şifqeyan de

heroj tê xwendin

rûmeta rûsipî û zanyaran 

li wir ji wan tê dizîn,

kezebê dayikan li wir

parçe dibin,

dibin lingên nezanî

û neteweperestiya xav de,

li wir,

olên kevnar 

bi qedexeyan tên dorpêçkirin

dîroka hezarên sala

tê berevajî û winada kirin,

li wir,

têkçûna mirovatî

û kuştina wekhevîyê ye

sarkirina mejî

û tunekirina hestaye,

ji hevbelakirin

û tunekirina dîrokê ye.

Penaberno

li vir

bi hezaran rê û şivîl

li ber we vekirîne

li hespê zanebûnê siwar bin

û ber bi tîrêjên rojê ve bibezin

bere tûrikê şivantîya malbatê 

bi zanebûnê tije bin

û hebûna we bi wateyan bi xemile,

Ev der azadîye

                   wekhevîye

                      îlma

                    zanîne

              maf û mafdarîya

              xwe hînî başîyên

         vî warî bikin ne têkçûnan.

02. 09. 2006 Oldenburg / Elmanya

Helbestvan Xebat Şakir