|
Vegere
Ji Hunermendên
Êzîdî yekemînek
www.ezidi.com
/ Sulingen
Li Elmanya bajarê Sulingenê ji
Hunermendên Êzîdî yekemînek. Hunermendên Êzîdî civîna xwe ya çaremîn
li salona Yêkîtîya Ciwanên Şerfedîn li Sulingen çêkirin û jibo
amadekarîyê Kongrê komîsyonek ji 11 kesa hilbijartin.
Civîna ku bi tevlîbuna Koma Alan, Hozan
Aydin Ronak, Hozan Zerdeşt Mêrdînî, Hozan
Necmedîn, Hozan Ekrem Reşo, Hozan Şêran, Hozan Aydin, Koma Melek, Koma
Sansar, Hozan Wezîr, Hozan Azad, Hozan Zîwer, Koma Aco, Koma Huner,
Hozan Raît, Koma Sor, Hozan Menal, Dengbêj Cemîl Hiso, Hozan Bino,
muzîkbêj Kawa Pêþîmam, Hozan Rîyad, ji Yêkîtîya Ciwanên Şerfedîn, Şêx
Ahmed Kaska, Osman Alp, Cercur Cengîz, Şükrü Kaska û Lêkolîner û
Rojnamevan Bexþi Günay di seat 15:00 de bi
dekayekê rêzgirtina jibo þehîdê 72 fermane destpêkir,.
Civînê bi sê beþa berdewam kirin.
Beşa yekemîn sitendina agahdarî di
derbarê amadekarîyên civînêde.
Di beşa duemînde nerînê beşdarvana di
derbarê civîna bihurîde û pêşnîyarî wan jibo naveroka civînê.
Di beşa sêemînde hilbijartina
komîsyonekê jibo amadekarîyê Kongrê di sala nude.
Komisyona amadekarîyên civînê dikir da
xwîyakirin ku, Hunermendên ku xwe bi telefonê gihîjandina wan û jiber
kar û barê hunerî nikarîbun tevlîbibin evbun. Hozan Bedîl, Hozan
Weysî, Hozan Şêran, Hozan Iskan, Hozan Alî Şingalî, Hozan Ferhat,
Hozan Faqîr Osman, Hozan Diljar, Hozan Westîl, Hozan Dîndar, Hozan Pîr
Xero, Hozan Enver´e.
Ji alîyê komîsyonêve hate diyar kirin
ku Mala Pîra bi awayekî wekirî gotina ku ewê tevlî vê xebatê nebin.
(mala Pîra= zaroyên pîr Êzdîn)
Di beşa civînê ya sêymînde Hozan Azad,
bal kiþan ser pêvajoya nu û xeterîya jibo çand û hunera Êzîdîye û got
„pêwiste ku hemu hunermendên Êzîdî bi awayekî berpirsyar tevhev
bigerin û xwedî li çand û hunera Êzîdîya derkevin.
Xwedî derketina li çand û hunera
Êzîdîya xwedî derketina li Cewherê çand û hunera kurde. Divê baş bê
zanîn ku tu kes we nikaribê liser parîyê hazir runê.“ Hozan Amer jî
bal kişand ser dîroka bihurî û got“jiber ku civaka Êzîdî bê serubere,
çiqasî bi xwêdana enîya xwe serkeftin bi dest xistibin jî, kesên din
li vê keda wan xwedî derketina û ev keda wan kirina mal û milk ji
xwere, divê êdî pêşî li van nihaqîya bê girtin.“ Hozan Aydin Ronak jî,
bal kişand ser giringîya tifaqê û got“çêbuna tifaqê, ji qedr, mahrîfet
û hezkirinê çêdibê, divê ku berî hertiştî em qedr û mahrîfetê bidin
hev.“ Hozan Alan jî, balkişan ser xernexwazê civaka Êzîdî û
got“mebesta me weke hunermendê Êzîdî ne sitandina tewrekê li hember tu
kesîye, mebesta me ewe ku valahîye heye bi awayekî zanyarî bê
dagirtin.
Hozan Zerdeşt Mêrdînî jî, bal kişan ser
giringîya çand û hunerê û got“ji tevgera parastina çand û hunerê re
divê hunermend bibin serkêş. Û divê hunermendên Êzîdî jî, bi vê
zanyarîyê nêzîkî pirsgirekan bibin. Piştî nerîn û pêşnîyarîyên
peşdarvana, jibo amadekkarîyên Kongreya Hunermendên Êzîdî di sala nu
de komisyonek ji 11 kesa hate hilbijartin.
| |
 |
| |
Komîta ku jibo Kongrê
hatî hilbijartin...! |
Jor
|
Komela Kaniya Sipî